(tradotti għall-Malti minn Charles Briffa)
Għeżież tfal ħbieb, merħba fid-dinja ta’ Geronimo Stilton
L-istejjer ta’ Geronimo Stilton tant kienu suċċess bil-Malti li kellhom joħorġu sitta oħra.
Geronimo Stilton huwa ġurdien li jmexxi gazzetta, imma l-vera passjoni tiegħu hija l-kitba ta’ stejjer tal-avventura. Joqgħod fil-Belt ta’ New Mouse, il-kapitali ta’ Gżiret il-Ġrieden, u l-kotba tiegħu huma kollha best-sellers! L-istejjer tiegħu huma tad-daħk, tad-daħk b’mod famaws. Huma ħrejjef tajbin li jġagħluk tilgħaq il-mustaċċi, żgur!
Charles Briffa reġa’ qaleb sitta oħra minn dawn l-avventuri għall-Malti li ġew ippubblikati minn Miller Distributors Ltd f’Ġunju 2015. Il-kotba huma maħsubin għall-qarrejja ż-żgħar ta’ bejn is-6 snin u t-12-il sena, u t-traduttur ipprova kemm seta’ jżomm il-Malti għal-livell ta’ din il-brekit ta’ etajiet. Is-sitt kotba bil-Malti huma dawn:
Il-Fantażma tas-Subway
![](https://blogger.googleusercontent.com/img/b/R29vZ2xl/AVvXsEjo027nlUeXnlQF1M-nHfLZpDFfpCIpA-vfgNDtu4j8Af-21SKJHDPyKFrV-XwypDBk922r3mwb-3UCkAAlMBEj9B9AUQG1UPTD770gvEngd4QfXb83oHe_H5f3YyFP7SpbfMfpwQ/s200/Stilton+7+COVER+-+5517.jpg)
*scoop hija biċċa aħbar li gazzetta xxandar qabel ir-rivali tagħha
![](https://blogger.googleusercontent.com/img/b/R29vZ2xl/AVvXsEirc8VfI1vv4k57ZRMpyUyzzCRqqglIhvIhs1uWBmK83Ip5QWHi76ghEh-klmXjGsgHLDsDwHpBS3ICxtaVBp9IMXHycrbc5F8vCObYPk7ksG6OnyqsMPcsiHkRvjMqpS5_ghjh8g/s200/Stilton+8+COVER+-+5522.jpg)
Kollox beda meta oħti, Thea, sabet mappa qadima misterjuża. Kienet turi teżor sigriet moħbi fuq gżira ’l bogħod. F’ħakka t’għajn, oħti ġibdet lili u lill-kuġin Trap fil-kaċċa għat-teżor. Kienet avventura li qatt ma ninsa...
Pizez Ħomor għal Konti Blu
![](https://blogger.googleusercontent.com/img/b/R29vZ2xl/AVvXsEgzXFwX3R5rhv3TfLZDLTi1xmygv3IJEwT4CDpugxPtUdH3MYDCGN4CwqBT5db41beXhbjtAB1-foNqMyUyNgkdbayyLKT9wQZq7iBhDnvFJzSOkQaUcyuRxm5lu8Kqn9YFFLFcHQ/s200/Stilton+9+COVER+-+5523.jpg)
Il-kuġin tiegħi huwa troublemaker, u darba nqabad fi Transratanja! U qabel ma stajt inwerżaq waħda, oħti, Thea, karkritni magħha fuq missjoni ta’ salvataġġ. Ma konniex nafu li Transratanja kienet l-art tal-friefet il-lejl vampiri! F’ġieħ il-ġobon, il-friefet il-lejl iqajmuli ġismi xewk xewk! Għala? Għax farfett il-lejl iħobb ideffes snienu f’xi ġurdien tajjeb kollu meraq...
L-Attakk tal-Qtates Furbani
![](https://blogger.googleusercontent.com/img/b/R29vZ2xl/AVvXsEi-OaqJ-r3_IZcMOsHBMecUJljY_WKoOLptcv7xmcOV7D3-M5T0DY6w19VtBr4MBoakxHqtTF5bcywa1tg43qUmWoKGsF5-E3XcI3Y24G4CdKfzBDDn9vkZlS1VdFnTUFKcYyQ_Ow/s200/Stilton+10+COVER+-+5525.jpg)
Dan Kollu Minħabba Kikkra Kafè
![](https://blogger.googleusercontent.com/img/b/R29vZ2xl/AVvXsEhci8NcIVSFMnAkDnYU8T391VPvth3COc-6MsegZKR2wls7m6BAyb7IA00mu9Y0fivn-HQEks46Rp-6HT25w5yj3QVWPvJJL2v8mYWmWrECgeWqt9PSPdeB2A_hGsStyYk3kDMj-Q/s200/Stilton+11+COVER+-+5526.jpg)
Jien, Geronimo Stilton, kont qed inħobb lil xi ħadd! Kont f’ħanut tal-kafè għodwa waħda meta lmaħt l-aktar gerriema sabiħa fid-dinja kollha. Sfortunatament, mal-ewwel tfixkilt u spiċċajt b’denbi maqbud fit-toaster. Kont ġurdien muġugħ ħafna! Imma xorta ridt nuriha mħabbti. Allura mort mal-familja tiegħi fuq vjaġġ għat-Tmien Meravilja tad-Dinja! Hemmhekk għamilt sejba tal-għaġeb, tant li kont naf li se nirbaħ il-qalb tal-għażiża ġurdiena tiegħi...
Vaganza Favumawsa għal Geronimo
![](https://blogger.googleusercontent.com/img/b/R29vZ2xl/AVvXsEhri0MyL2SkPzx1LyBcZyRbcd6MJ9GWr-d63uWl44WKFKE0WiRhInO1jq9RPo08sc5WwFf6F_57YJ6v0KoAPmunPV3cc0DdxabYCVO13S0KpH-vl4Nxz_neb0SdpifvC_h4Rw12WQ/s200/Stilton+12+COVER+-+5544.jpg)
Kultant businessmouse li jkun imħabbat daqsi jkun jeħtieġ btala sabiħa ta’ mistrieħ. Imma fost ix-xorti mgħarrqa tal-firien – kull darba li ppruvajt immur holiday, jiġini xi diżastru! Meta fl-aħħar irnexxieli nitlaq minn Il-Gazzetta tal-Gerriem, il-vjaġġi s-sbieħ kollha kienu diġà bbukkjati. U sibt ruħi mwaħħal f’ħotel qadim mimli briegħed, u kelli nixxerja kamra ma’ ċorma Ġerbils Scouts! Kelli seba’ mitt sena biex immur lura lejn dik it-toqba komda tiegħi fil-belt...